General Santos City— Dakpan sa gipahigayong operasyon pinaagi sa pagserve sa warrant of arrest sa Police Station 7 ang suspek nga si Jasper Villanueva, hamtong ug residente sa Blk. 5, Nasa Village, Brgy. Fatima ning dakbayan.
Sumala kang Police Senior Inspector Fernando Manuel Jr., hepe sa Fatima Police Station nga ang maong operasyon ang kabahin sa oplan bravo. Saysay pa niini nga anaa sa ilahang number 2 person of interest ang suspek nga gituuhang lambigit sa managlahing pagpangawat ug pagpangransak sa ilahang area.
Dugang pamahayag ni PSI Manuel nga ang nahimong biktima sa suspek mao si Riza Mae Arsolon nga residente usab sa susamang lugar. Kasong frustrated homicide ang giatubang sa suspek kung asa gipagawas ni Judge Marie Balinguat ang maong warrant of arrest.
Sa kasamtangan, anaa na naka-kustudiya sa lock up cell sa police station 7 ang suspek ug ginapaabot nalang ang iyahang commitment order.
