Wanted dakpan sa managlahing operasyon

27

3 ka wanted ang nasikop sa gikasa nga managlahing operasyon sa kapulisan dinhi sa probinsya sa Zamboanga del norte.


Nadakpan sa mga pulis sa Sindangan si Floro Piñonal didto sa Brgy. Siari kinsa may kasong kalapasan sa R.A 8550 may kalabutan sa pag gamit sa guidili nga pukot ug pag gamit sa Bangka nga wala gitugot sa balaod ilawom sa ordinansa sa lungsod.

Samtang sa lungsod sa Siocon nanguna sa operasyon si PMaj Edison Alviar sa pagsilbi sa warrant ngadto kang Joel Nodelic, residente sa Brgy. Matiag.

May kaso kining Murder sukad pa niadtong Abril 30, 2015 ug walay pyansa nga gitagana ang korte alang sa temporaryong kagawasan.

Didto usab sa Polanco, daling giposasan sa mga pulis si Ronnie Somohid, taga Brgy. Sianib.

Uban sa mga pulis sa Polanco ang pulis sa Lopez Jaena MPS, ang midakop kang Ronnie nga may kasong attempted homicide.

Ang tulo ka mga dinakpan pareha na karong, nagpabugnaw sulod sa rehas.




Facebook Comments