Wanted, dakpan sa PNP Sindangan

Usa ka 42 anyos nga lalaki nga may patung-patong nga kaso ang nadakpan sa mga pulis sa lungsod sa Sindangan sa miaging adlaw.
Sa hini-usang operasyon sa mga pulis sa Sindangan ug Sioconn uban ang taga 44IB didto sa Sitio Makayas, Campo 1, Brgy. Mandih, Sindangan malampuson nga naaresto si Danilo Sanguila, usa ka sekyo, taga Brgy. Dalangin, Titay, Zamboanga Sibugay.
May kaso kining, 3 ka ihap sa kasong Murder ug lain pang kaso nga attempted murder. Ang maong mga kaso napasaka niadtong Setyembre 27, 2017 ug Abril 30,2018 sa korte sa Siocon.
Human sa pagsilbi sa warrant, nakuhaan kini ug calibre .45 ug kargado sa mga buhing bala apan walay mapakita nga papeles hinungdan nga laing kaso napud ang atubangon niini.
Ang nahisgutan nga dinakpan anaa karon, nagtingkagol sa Sindangan Locked Cell.