Godod, ZDN-Patay ang usa ka wanted sa gihimong operasyon sa kapulisan sa Zamboanga Del Norte Provincial Mobile Force Company, Zamboanga Del Norte Police Office-Intel Branch, Salug Municipal Police Station ug Godod Municipal Police Station didto sa may Sitio Maluno, Purok 1 Limbonga, Godod, ZDN sa miaging huwebes Pebrero 21, 2019.
Ang mao nga wanted nailang si George Tagano Sua, 28 anyos, residente sa Brgy Calucap, Salug Zamboanga Del Norte, kinsa nag atubang sa kasong Attempted Murder, human nalutsan ug warrant sa korte niadtong Pebrero 12, 2018, ug Adunay pyansa nga gitagana sa kantidad nga 120mil.
Pero niadtong adlang huwebes kini si George, sa dihang nakamatikod nga adunay pulis padulong kaniya, ang matod pa milanit kini sa calibre .45 ug midagan padulong sa lasang nga bahin sa maong lungsod, hinunungdan nga gisundan kini sa mga pulis aron pangitaon sa maong lugar.
Milungtad matod pa sa 30mins nga nilakganay sa kalasangan hangtod nga nakorner, misulay pa kini ug pabuto apan dali nga nabalos ang mga pulis hinungdan sa iyang diha-diha nga kamatayon.
Nakuha sa lugar nahitaboan ang usa ka calibre .45, Norinco adunay serial number 443-122 ug kargado kini sa 6 kamga buhing bala, ug lain pang magazine nga kargado sab sa 7 ka bala, usa ka sundang, ug usa ka karton nga napuno sa bala sa calibre .45.
