Maga combinaop fuerza del pulis desde na Sangali Police Station Police
Regional Office y Ipil Municipal Police Station ya aresta con un most
wanted persona na Sitio Daap, Sangali del Martes por la tarde.
Con el arestao ya conose como si Rasam Gampal y Undang, 49, casao de Sitio
Aplaya, Sangali.
Ya tene pa que man lagasan el maga pulis despues ya hace pa rebenta tiro si
Gampal usando su pusil el tiempo ta aproxima el maga pulis y ya salta pa
este na mar.
Pero por el monton del maga pulis ya puede siempre conele aresta y ya sirvi
el maga warrant of arrest na maga caso de murder, frustrated homicide y
frustrated parricide.
El maga warrant of arrest ya man issue si Judge Anthony D. T. Isaw, CPA,
Regional Trial OCurt branch 24, Ipil, Zamboanga Sibugay.
Maga pulis ya puede tambien recobri na possession di Gampal dos maga
pumpboat, six sachets of shabu one magazine de calibre 45 pistola con
cuatro maga bala.
