General Santos City—sikop sa mga sakop sa Philippine Drug Enforcement Agency (PDEA) Regional Office-12 ilawom sa superbisyon ni Director Gil Cesario Castro ang usa ka makonsiderang High Value Target nga lambigit sa iligal nga druga atol sa gihimong Man Hunt Charlie gabie niadtong Lunes, Septembre 18, 2017.
Giila ang dinakpan nga si Edmund Sedsang alias tiro/siro, legal age ug residenti sa Purok Forro, Barangay GPS, Koronadal City, South Cotabato.
Si alias Tiro subject sa search warrant niadtong April 10, 2017 apan malampusong nakasibat mao nga giisyuhan ug Warrant of Arrest sa kasong paglapas sa RA 9165. Dihang kini nasikop nakuhaan pa kini ug iligal nga druga.
Tungod niini laing kasong paglapas sa Section 5 (Sale of Illegal Drugs), Section 11 (Possession of Illegal Drugs) ug Section 12 (Possession of Drug Paraphernalia) sa RA 9165 ang ipasang-at batok sa nasangpit nga suspek.
