Nakasibat og wala na maapsan ang duha ka mga wanted person na myembro sa local terror group na Dawlah Islamiyah Socsksargen Khatiba dihang gi-serve sa mga kapolisan sa Polomolok Municipal Police Station ang ilahang warrant of arrest niaging sayo sa buntag.
Sa imbestigasyon gipagawas sa Polomolok PNP, usa ka joint operation ang gilusad sa PNP og Army aron sikopon ang mga wanted person silang Arafat Patron Bulacon ug Aziz “Tidoy” Macatiguil nga adunay arrest warrants sa kasong murder.
Dugang imbestigasyon sa kapolisan, nakamatikod matod pa ang mga nahisgutan kabahin sa presensya sa implementing team og misibat agi sa likod nga bahin sa ilahang gipuy-an.
Gigukod matod sa kapolisan ang duha sa tibuok palibot sa lugar alang sa pagsikop apan pakyas nga maapsan.
Kahibaw-an nga pirmado na kaniadto pang Agosto 1, 2019 ni Judge Lorenzo Balo sa Regional Trial Court Branch 19 ang arrest warrant batok sa duha ka wanted person.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 122023985_2811331852529405_5882159229977295458_o.jpg]
