Gipaslak karon sa selda sa Dipolog City Police Station ang 36 anyos nga lalaki nga residente sa Poblacion, Aurora, Zamboanga del Sur human kining nalutsan sa Warrant of Arrest.
Alas 8:45 kagahapon sa buntag ang tropa sa Dipolog City Police Station nga gipangunahan ni PCI Vergil Bruce D. Dario ang ni-aresto sa suspek nga si Felipe Jaime temporaryo nga nagpuyo sa Buensalida Manor, Estaka, Dipolog City.
Ang pagdakop sa suspek gipasikad sa gahom sa unom ka Warrant of Arrest nga gipagawas ni Judge Kenneth Rosal, Presiding Judge sa MTCC Branch 2, Dipolog City sa kasong kalapasan sa BATAS PAMBANSA BLG. 22 KUN ACT PENALIZING THE MAKING OR DRAWING AND ISSUANCE OF A CHECK WITHOUT SUFFICIENT FUNDS OR CREDIT AND FOR OTHER PURPOSES.
Ang dinakpan mahimo lamang nga gawasnon kun makatunol sa pyansa nga girekomenda sa korte.
