Pagadian City – Nadakpan sa tropa sa Pagadian City Police Station ang pinangita sa balaod atol sa gihimo nga police operation batok wanted person sa Purok Talisay, Sitio Caluay, Barangay Datagan, ning syudad sa Pagadian.
Giila ang nadakpan nga si Romeo Polenso, 58-anyos, residente sa Lower Timonan, Dumingag, Zamboanga del Sur.
Gidakop ang target pinasikad sa gahom sa warrant of arrest sa krimen nga Homicide nga gipagawas niadto pang September 22, 2000 sa hawanan ni Judge Franklin Villegas, sa Regional Trial Court, Ninth Judicial Region, Branch 19, Pagadian City.
Dunay pyansa nga gitugot ang korte sa kantidad sa 40 mil ka pesos bugti sa temporaryo nga kagawasan sa dinakpan nga karon gitangong sa Pagadian City Police Station Detention Cell.
Facebook Comments
