Wanted nga tricycle driver nadakpan

37

Pagadian City – Wala na maka-ikyas pa gikan sa kamot sa mga otoridad ang usa ka pinangita sa balaod atol sa police operation sa Purok Lacturan, Barangay San Pedro, ning syudad sa Pagadian alas 5:10 kagahapon sa hapon.
Gipaslak na sa selda sa Pagadian City Police Station ang akusado nga si Brian Calme Retiza , 30-anyos, dunay live-in-partner, tricycle driver/construction worker, residente sa Purok Bakhaw B, Barangay Kawit ning dakbayan.
Ang akusado gidakop pinasikad sa warrant of arrest nga giisyu Judge ANALYN RAMAS-COSTANILLA, Acting Presiding Judge, Regional Trial Court, Ninth Judicial Region, Branch 22, Pagadian City sa kaso nga paglapas sa Akta Republika 9262 kun Anti-Violence Against Women and Their Children Act of 2004.
Ang korte nagrekumendar og 80 mil ka pesos nga pyansa bugti sa temporaryo niining kagawasan.

Facebook Comments
From Advertisers