5:40 AM 19NOV2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa gibantayang Bagyong (Typhoon) “RAMON” anaa sa gilay-ong 120 km Sidlakan (East) nga bahin sa Calayan, Cagayan; kakusgong 120 kph ug paglihok nga 10 kph Kasadpan Amihanang-kasadpan (West Northwest). Ang bagyo posibling mo-landfall sa Babuyan Islands karong adlawa.
Samtang ang gibantayang Low Pressure Area (LPA) naa na sulod sa Philippine Area of Responsibility (PAR) ug kini adunay gilay-ong 930 km Sidlakan (East) nga bahin sa Guiuan, Eastern Samar ganihang 4:00 sa buntag. Ang LPA posibling mamahimong Bagyo (Tropical Depression) sulod sa 24 ka oras ug nganlang Bagyong “SARAH”.
Ang tibuok Mindanao dili direktang apektado sa Bagyo ug LPA apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Forecast Position:
– 24 Hour(Tomorrow morning): 30 km West Southwest of Sinait, Ilocos Sur
– 48 Hour(Thursday morning):605 km West Southwest of Iba, Zambales
– 72 Hour(Friday morning): 275 km West Southwest of Pagasa Island, Palawan
Hinay (light) ngadto sa kasarangan (moderate) nga hangin ang magagikan sa Amihanang-kasadpan (Northwest) maoy mo-resulta sa 0.6 – 2.1 meters nga balud sa kadagatan sa tibuok Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay pag ulan usab sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
