TACLOBAN CITY – Napatay han mga otoridad an Most Wanted Person ha Calbayog City Samar durante han gindumara nga manhunt charlie operation.
Sumala han Calbayog City Police, ginkilala an napatay nga hi Rogie Galit Tomnob alias “yoyot” nga top 2 ha Most Wanted Person han syudad nga myembro gihapon han criminal gang ha Calbayog.
Nahinabo an insidente ha Purok 1, Brgy. Carmen kasangkulop ha pagsalawad hiton warrant of arrest nga may kaso nga murder kontra ha suspek.
Base ha police report, mayada dara nga calibre .45 nga pusil an suspek durante han ira paghatag hin warrant of arrest ngan pumusil an suspek ha mga operatiba nga ansya naman bumulos an mga kapulisan, ginpusil an suspek ha pira nga parte han iya lawas hinungdan han iya dayon pagkamatay.
Ha latest nga update, hi Galit in apil ha top 15 ha mga Most Wanted Person ha probinsya han Samar nga may patong ha ulo.
