Midsalip, Zamboanga del Sur – Anaa na karon sa balay tambalanan ang usa ka suspek nga may kasong Attempted Destructive Arson (Section 3(2) PD 1613 in relation to Article 6 sa RPC Article 320 nga giamindahan sa PD 1613 ug PD 1744).
Giisyu ni Hon. Analyn Fernando-Ramas Costanilla, Presiding Judge, RTC, Ninth Judicial Region, Branch 30, Aurora, Zamboanga Del Sur uban ang pyansa nga 72 mil ka pesos.
Sa niaging Lunes sa may alas 5:45 ang takna didtong dapita sa Purok 1, Brgy Pisompongan, Midsalip Zamboanga Del Sur.
Ang suspek mao si Jerwin Manitay Domandos, 45 anyos, minyo, negosyante, residente sa nasangpit nga lugar.
Gipara matod pa sa mga otoridad sa maong lungsod sa pagpangulo ni Pmaj. Juvic D Aballe aron silbihan sa warrant arrest ang suspek nga nagmaniho sa iyang sakyanang multicab didto sa Brgy. Poblacion B apan nipasutoy kini sa gimaniho nga sakyanan rason nga gilakag kini sa mga otoridad.
Niabot pa mga kasama sa dapit hitaboan ang maong suspek ug gipamusil ang mga otoridad gamit ang 45 nga pistola rason nga misukli sa pagpabuto ang mga kapulisan puntarya sa suspek.
Bisan paman niini nakahimo pa sa pagsibat ang suspek paingon sa kakahoyan nga bahin sa maong lugar.
Apan pagka alas 7:30 sa gabii sa mao ra nga adlaw napalgan kini sa mga otoridad nga may igo pinusilan sa likod niini rason nga gidala gilayon sa mga kapulisan sa Midsalip Infirmary Hospital alang sa medication apan wala madugay mga kasama nahukman nga gibalhin kini sa Zamboanga del Sur Medical Center alang sa dugang medikasyon.
