Wanted person sa lungsod sa Tabina nadakpan

9

Tabina, Zamboanga del Sur – Anaa na karon sa sulod sa presohan ang usa ka wanted person human kini ang nadakpan sa mga kapulisan sa Tabina Municipal Police Station nga gipanguluhan ni PLT Arnold Superales, nga nagpahigayon ug law enforcement operation ala 1:30 ang takna kagahapon sa Purok Dos, Barangay Bayabaya, Tabina, Zamboanga del Sur.
Sumala pa ni PLT Arnold Superales ang dinakpan mao si Jesril Saranillo Mamintas, 22 anyos, lalaki, ug residente sa nahisgutang lugar.
Gidakop si Mamintas pinasikad gahom sa warrant of arrest sa kasong Serious Physical Injuries nga giisue ni Hon Jhonabel Tabunda, Presiding Judge, 7th Municipal Circuit Trial Court, Dimataling, Pitogo ug Tabina pinitsahan atung April 27, 2021.
Ang maong dinakpan ang gitugutan kini sa korte nga makapyansa sa kantidad nga 18 mil ka pesos. Ug ining panahona ang maong dinakpan ang gisulod na sa presohan sa Tabina Municipal Police Station.

Facebook Comments