Sikop sa hiniusang pwersa sa Iligan City Police Station 1, ICMFC, 1005th MC RMFB10 (Regional Mobile Force Battalion 10) ug CIDG Iligan City ang usa ka wanted person alas 2:30 ang takna sa hapon kagahapong adlawa.
Suspek nailang si Jalil Camarudin y Abubakar, 28 anyos minyo usa ka construction worker ug molupyo sa Purok 2, Barangay Luinab, ning dakbayan sa Iligan.
Nasikop ang suspetsado dihang gihimo ang manhunt operation sa may BJMP Tipanoy kung asa iyang gibisita ang iyang asawa nga na detained sa maong lugar.
Ang akusado adunay standing Warrant of Arrest alang sa kasong KIDNAPPING, nga walay girekomendar nga pyansa ug pinirmahan ni Judge ANISAH B. AMANODIN-UMPA., Presiding Judge sa RTC sa Lanao Del Norte, 12th Judicial Region, Branch 02, Family Court Iligan City, pinetsahan ug December 18, 2019.
Ang maong suspek ang anaa karon sa Iligan City Police Station 1 alang sa proper disposition.
