Dakpan sa gihimog drug buy bust operation sa hiniusang pwersa sa Regional Police Drug Enforcement Unit 10, Iligan City Drug Enforcement Unit , 1005th Maneuver Company, Regional Mobile Force Batallion, personahe gikan sa Balo-I Municipal Police Station ug Station 2 Drug Enforcement pinangunahan ni PCPT FELIX N RABAGO JR, ingon man sa PDEA ang duha ka suspetsado alas 9 kapin kun kulang ang takna sa buntag kagahapong adlawa sa may 24-A, Zone 10, Sawali, Maria Cristina ning syudad sa Iligan.
Suspek nailang si Michael Domingo Macaraeg, 34 anyos minyo, usa ka construction worker ug molupyo sa Purok Ilang-Ilang, Brgy Villaverde, ning syudad sa Iligan, ug laing usa ka Brendon Villaflor Benito , 29 anyos, dunay live-in partner, construction worker ug residente sa Barangay Tipanoy.
Nakuha gikan sa mga suspetsado ang dako nga sachet sa gituohang shabu nga motimbang ug 15 gramos ug adunay market value nga 102,000.00 pesos, ingon man 500.00 pesos ug 75 ka mga tag 500 peso nga nagsilbing buy bust money.
Si Michael Domingo Macaraeg ang nalista sa Directorate for Intelligence.
. Ang mga arestadong suspetsado ug ang mga ebidensya ang anaa karon sa costudiya sa Police station 2.
