Wanted sa kasong homicide, patay human napusilan sa tanod

34

Lake Sebu, South Cotabato – Patay ang usa ka suspek sa pagpamusil human kining napusilan sa barangay tanod sa may Sitio Lambadac, Barangay Lamfugon, Lake Sebu, South Cotabato alas 9:00 sa gabie niadtong nakalabayng adlaw.
Giila ang suspetsadong namatay nga si Naldo Sagundo Mindal, 29 anyos, minyo ug residente sa Sitio Lamfinek, Barangay Lamfugon.
Sa report gikan saLake Sebu Municipal Police Station, nasayran nga girespondihan sa kapulisan uban ang barangay tanod sa Barangay Lamfugon ang report bahin sa nahitabong pagpabuto ug pusil sa suspek ngadto na sa lugar.
Pag-abot sa lugar, nagbaton ug komprontasyon tali sa tanod nga si James Mongon ug sa suspek nga misangko sa pagpamusil ni Mindal sa tanod nga si Mongon apan swerteng wa kini maigo. Nibalos sa pagpabuto sa iyang armas ang tanod nga miresulta sa pagkaigo sa suspek ug kamatayon niini.
Dugang pa sa imbestigasyon, ayha nahitabo ang kamatayon sa suspek, napusilan niini ang iyang igsuon nga si Kueng Mindal apan swerte nga wala maigo apan nadamay ang pag-umangkon niining 5-anyos nga itago lang sa Pangalang Angel kansa daling gidala sa ospital human nakaangkon ug samad.
Nasuta usab nga apil si Mindal sa most wanted person sa probinsya sa South Cotabato kansa nag-atubang ug kasong homicide.

Facebook Comments