General santos City—malampusong nadakpan ang suspetsadong may kasong Qualified Theft sa gihimong manhunt Charlie sa tropa sa Kiamba MunicipalPOlice Station sa area sa Barangay Tambilil, Kiamba, Sarangani Province.
Suspek giila nga si Misuari Anso, legal age, residenti sa samang Barangay. Alas 4:30 ang takna sa hapon sa nakalabayng adlaw dihang gihimo ang operasyon batok sa suspek pinasikad sa warrant of Arrest sa kasong Qualified Theft nga may criminal case no. 00220 ug 00221 nga una nang gipagula ni Hon. Judge Oscar Noel Jr. sa Justice on Wheels, Sarangani Province.
Buluntaryo nalang usab nga miuban ang suspek sa otoridad human nasayran nang daan niini nga siya adunay kasong giatubang.
Sa karon mando nalang sa korte ang gikuwat sa Kiamba PNP aron mabalhin na ang nahisgutan sa Sarangani Provincial Jail apan mamahimo kining temporaryong makagawas sa presohan higayon nga siya makapyansa ug P56,000.00.
