Boracay, Island — Arestado rong sangka wanted sa kasong rape kahapon it hapon sa Sitio Bolabog Brgy. Balabag, Malay, Aklan.
Nakilaea ro akusado kay Mark Anthony Jocson y Arcano alyas “Mak-Mak”, 19-anyos ag native it Jamindan, Capiz.
Gin aresto ko gintingub nga pwersa it Boracay Police ag Jamindan Police si Jocson sa may bodega isla, bloomfield sa Sitio Bolabog Brgy. Balabag pinaagi sa bisa kung warrant of arrest nga may Criminal Case No.17-1845-09 sa kasong Rape nga gin issue ag ginpermahan ni Hon. Judge Judith D. Orendain-Tonogbanua it RTC 6, Branch 20, Mambusao, Capiz.
Uwa it pyansa nga gintaeana rong korte nga piyansa para sa anang temporaryong kahilwayan.
Insigida man nga gindaea it Jamindan Police si Jocson para iturn-over sa korteng natungdan.
