Mahayag, Zamboanga del Sur – Wala na makalingkawas pa sa mga kamot sa balaod ang usa ka wanted sa kasong pagpanglugus human kini nga nadakpan sa mga kapolisan sa Mahayag Municipal Police Station, atol sa gilusad nga operasyon alas 5 sa hapon sa Purok 5, Brgy. Poblacion, Mahayag Zamboanga Del Sur. Ang dinakpan naila sa pangalang Ruel Gumba Mayol, 47 anyos, lalaki, minyoog residente sa Barangay Lower Salug Daku, Mahayag, Zamboanga Del Sur.
Gidakop ang akusado sa mga kapolisan pinaagi sa warrant of arrest sa kasong Rape in relation to RA 7610 kon “Special Protection of Children Against Abuse, Exploitation and Discrimination Act.” nga dunay Criminal Case # 2012-10-2564, nga gi- issued ni judge Jaime B. Caberte, Presiding Judge, 9th Judicial Region, Branch 23 Molave, Zamboanga del Sur, pinitsahan atong September 24, 2013 diin walay pyansa nga gerekomendar. Sa pagkakaron ang maong dinakpan ang gikostodya na sa Mahayag Municipal Police Station alang sa tukmang disposasyon.
