LABORER NGA WANTED SA 7 COUNTS OF RAPE, DAKPAN
Nadakpan sa gikasang law enforcement operation ang usa ka laborer nga wanted sa 7 counts sa kasong rape kon pagpanglugos.
Giila ang nadakpan nga si Alberto P. Malinao, 44 anyos, lumolopyo sa Brgy Bioto, Tandag City, Surigao del Sur.
Si Malinao ang top 1 most wanted person sa listahan sa Surigao del Sur Police Provincial Office.
Alas 2:30 kagahapon sa hapon bitbit ang warrant of arrest sa 7 counts of rape nga giisyu sa Regional Trial Court, Branch 46, 11th Judicial Region naaresto si Malinao sa mga personahe sa Bislig City Police Station (CPS) kauban ang CIDG ug 1301st Company sa Regional Mobile Force Battalion.
Si Malinao ang gitudlong responsable sa paglugos sa usa ka menor de edad sa lugar niadtong mga nakalabyang tuig og nahitabo pa nga nabuntis ang biktima.
