General Santos City—malampusong nasikop sa hiniusang pwersa sa Malapatan Municipal Police Station ug Police Station 2 ang usa ka lalaking wanted sa lungsod sa Malapatan, Sarangani Province atol sa gihimong manhunt Charlie sa awtoridad sa may Purok San Roque, Barangay Labangal Gensan.
Suspek giilang si Jonard Dalaba, 29, residenti sa Barangay Lun Padidu, Malapatan Sarangani Province kansa dunay kasong pagpanglugos.
Alas 6:00 pasado ang takna sa gabie niadtong nakalabayng adlaw una nang nakig-alayon sa Police Station 2 ang Malapatan Police Station kalabutan sa gihimong operasyon batok sa suspek human migula ang warrant of arrest sa kasong lugos nga iyang giatubang.
Wala na nakaporma pa ang suspek human gipresentar ngadto kaniya sa kapulisan ang warrant of arrest sa iyang kaso. Nasayran nga human nasikop, gidala gilayon sa Malapatan ang nasangpit ug kasamtangan na karon nga balhog sa ilang silda.
