Pagadian City – Kalapasan sa PRESIDENTIAL DECREE NO. 705 kun REVISED FORESTRY CODE OF THE PHILIPPINES ang hinungdan sa pagkapriso sa 26-anyos nga driver human kining nalutsan sa Warrant of Arrest og nadakpan sa police operation.
Ang tropa sa Detective Personnel sa Pagadian City Police Station ang nagkasa sa manhunt operation alas 10:00 kagahapon sa buntag sa Barangay Awa, Prosperidad, Agusan del Sur.
Si PLTCOL ALVIN SAGUBAN, ang nakigkoordinasyon usab ngadto sa Prosperidad Municipal Police Station sa pagpanguna ni PLTCOL TEEDY ROLLON.
Nadakpan ang target nga si ALBERTO GALDIANO residente sa Barangay Awa, Prosperidad, Agusan del Sur.
Ang pagdakop sa suspek gipasikad sa Warrant of Arrest sa SECTION 78 sa PD 705 nga gipagawas ni Judge DENNIS VICOY sa Regional Trial Court, 9th Judicial Region, Branch 20, Pagadian City.
Gitugutan sa korte nga makapyansa ang dinakpan sa kantidad nga 72 mil ka pesos alang sa temporaryo nga kagawasan sa dinakpan nga karon gikustodiya sa Prosperidad Municipal Police Station, Prosperidad, Agusan del Sur.
