Tabina, Zamboanga del Sur – Sikop sa Joint Manhunt Operation sa tropa sa Tabina ug Pagadian PNP ang 25 anyos nga ulitawo nga nalutsan sa mandamiento de arresto.
Gilusad ang maong operasyon alas 10:00 kaganihang buntag didtong dapita sa Purok Fisherville, Brgy. San Pedro ning syudad sa Pagadian.
Malampuson nga naaresto sa kapulisan ang target nga nailang si Dennis Abeso Bargio, 25 anyos residente sa Purok Paran, Brgy. Poblacion, Tabina, Zamboanga del Sur.
Armado ang kapulisan sa warrant of arrest sa kasong less serious physical injuries nga dunay criminal case number 18-2280 nga pirmado ni Judge Johnabel Tabunda sa Regional Trial Court,9th Judicial Region Branch 29, Quezon City.
Ang dinakpan kasamtangan karon nga gikustodiya sa Tabina Municipal Police Station samtang naghulat sa sunod nga lakang.
