South Cotabato–Nasikop sa hiniusang puwersa sa Tantangan PNP, Highway Patrol, Provincial Intelligence Branch ug CIDG ang number 2 most wanted person sa Tantangan nga si Federico Cataluna,50 anyos, mag-uuma ug nanimuyo sa Brgy.New Ilo-Ilo, Tantangan South Cotabato human gi-serve ang warrant of arrest sa kasong lugos.
Asoy pa ni Police Captain Romeo Albano Jr. labaw sa Tantangan PNP nga nadakop nila ang suspek sa Koronadal City Public Market human gitunol ang maong warrant sa kasong lugos niadto pang tuig 2012 sa sala ni Judge Roberto Ayco.
Sa dugang gihimong imbestigasyon sa otoridad batok sa suspek nasuta nga wala nay laing record ang suspek gawas lamang sa kasong lugos nga gilambigitan niini.(Reynald Timario)
Facebook Comments
