Mambusao, Capiz- Dungan kag bolutanryo nga nag-surrender sa mga kapulisan sa banwa sang Mambusao ang tatlo ka mga persona nga may yara sang ginapangatubang nga kaso nga homicide.
Ang mga ini ang ginkilala kanday Vicente Agustino y de Jose, 52-anyos; Maichael Bautista y de Jose, 26-anyos kag Jimmy Candelario y Bautista, 45-anyos nga lunsay mga residente sang Sitio Aliwas Brgy. Burias, Mambusao Capiz.
Samtang una na nga nadakpan ang kaupdanan sang mga ini nga nakilala kay Roger Agustino nga ginakabig nga top-10 Most Wanted Person sa amo nga banwa.
Matapos nga maka-piyansa balor P40, 000 pesos sa tagsa sa ila, ang mga ini ang ginpahanugotan naman nga temporaryo nga makaguha sa presohan.
Facebook Comments
