Nagmadaugon ang goberno sa nagpadayung “war on drugs” dinhi sa Caraga region, kansang lugar ang nalakip kaniadto sa top 10 nga labing apektadong rehiyon sa nasud sa natad sa droga.
Sa datus nga gipaabot sa Philippine Drug Enforcement Agency (PDEA) Caraga, niubos ug 26% ang drug related crimes sa tibook rehiyon gumikan sa subsub nga nga kampanya kontra illegal nga droga.
Daku’g kontribusyon ang pagdeklara ug drug cleared municipality sa lungsod sa Tubod, Surigao del Norte diin si PDEA Deputy Director General for Operaitons Ricardo C. Quinto ang nanguna sa seremonyas.
Mas gitutukan karon sa PDEA ubos sa bag-ong liderato ni Dir. General Aaron Aquino ang pagbutang ug mga drug reformatory centers sa kabarangayan.
Ang gikabalak-an karon sa PDEA mao ang ubos nga numero sa mga nagsurender ang anaa sa mga drug rehabilitation centers.
Subay niini, dakpan sa hiniusang pwersa sa PDEA ug PNP Surigao del Sur ang usa ka drug surrenderee sa drug buy bust operation. Giila ang suspek nga si Norol Am Dimasangkay y Ampaso alyas Farhan Ampaso, 18 anyus, ulitawo ug laing usa ka 12 anyus nga minor de edad, parehung lumad sa Lanao del Sur.
Nakuha sa ilang posisyon ang tulo ka mga sachet sa drugang shabu nga motimbang ug 15 grams nga droga nga mikantidad ug 75 mil pesos.
Gihikay na ang kasong ipasaka sa otoridad batok sa mga dinakpan. (photo credit PDEA drug busters fb)
