Roxas city, Capiz – Magapangatubang sang kaso nga pagbayolar sa R.A. 9165 ukon Comprehensive Dangerous Drugs Act of 2002 ang isa ka persona nga nadakpan sa buy bust operation sang Provincial Drug Enforcement Unit sa Altavas Subdivision, Barangay Baybay syudad sang Roxas.
Narekober nagikan subject person nga si Omar Villanueva y Acta, 38-anyos sang nasambit nga lugar ang isa ka sachet sang suspected shabu, isa ka libo ka pesos nga buy bust money kag cellphone sini nga ginapanag-iyahan.
Samtang nakita man sa idalum sang higdaan sang subject person ang anum pa gid ka sachet sang ginapahayag shabu. Nahibaluan nga ang 16-anyos nga anak ni Villanueva ang nakakita sang amo nga droga sang nagapanghimos ini. Sa bulig sang mga opisyal sang Brgy. Baybay, ini ang gilayon nga ginturn-over sa mga kapulisan.
