Davao City- Sama sa gilauman sa kadaghanan, nitambong ug ni-testigo karon sa Senate hearing on deaths of minors diha sa kontrobersyal nga Duterte anti-drug war ang taxi driver nga gisakyan sa usaka batan-ong holdupper nga napatay sa mga awtoridad.
Nitambong sa deliberasyon sa komitiba ni Sen. Panfilo Lacson ang taxi driver nga si Tomas Bagcal, ang drayber sa taxicab nga matud pa gi-holdup sa napatay nga menor de edad nga si Carl Arnaiz.
Si Bagcal gigisa ug maayo sa mga senador nga miyembro sa Liberal Party (LP) sama ni Sen. Bam Aquino diin nigula ang usaka teoriya nga ang ‘holdup angle’ iyang bersyon lamang sa kapulisan kun parte sa ‘script’ nga si Arnaiz nangholdup kang Bagcal.
Si Bagcal, kinsa anaa na karon sa kustodiya sa National Bureau of Investigation (NBI) ug posibleng mamahimong ‘state witness’ nideklara nga ang iyang unang affidavit dili kadto tinood ug nga gihungit lamang ngadto kaniya sa mga awtoridad nga nakapatay sa batan-on.
RadyoMan June Duterte
