South Cotabato – gilabayan ug granada ang warehouse sa usa ka negosyante, nga nahimutang sa Sitio Tboyong, Barangay Lamfugon, Lake Sebu, South Cotabato.
Sa inisyal nga impormasyon nga nahagpat sa RMN Gensan gikan sa Lake Sebu Municipal Police Station nasayran nga bandang kaadlawon niadtong Domingo, October 22, 2017 kalit lang nga gilabayan ug Granada ang warehouse nga gipanag-iyahan ni Jesusito Casipit, 46, negosyante, ug residente sa Tacurong City.
Swerti usab nga walay samdan o namatay sa pagbusikad sa gilabay nga Granada. Nasayran nga anaa lang natulog ang mga caretakers nga silang Noy Pedong, legal age ug John Mark Sotomayor Baron alyas Dodong, 15 anyos.
Samtang nakaangkon ug damyos ang mechanical dryer ug weighing scale nga anaa sulod sa compound sa warehouse. Sa karon nagpahigayon nag makuting imbistigasyon ang kapulisan kalabutan sa insidenti ug ginasuta pa ang responsabli sa paglabay sa eksplosibo sa lugar.
