General Santos City—Sikop sa Operatiba sa Police Station 3 ang usa ka 60 anyos nga ginang nga nag-atubang ug kasong stafa atol sa ilang gihimong operasyon sa may Country side, Barangay Lagao, Gensan niadtong nakalabayng adlaw.
Ang suspek itago lang sa pangalang si Alias Rosalinda, 60, residenti sa maong lugar.
Alas 8:00 ang takna sa gabie sa nakalabayng adlaw dihang gihimo ang operasyon batok sa suspek didto mismo sa ilang panimalay pinasikad sa warrant of arrest sa kasong Stafa nga may criminal case no. 23426 pinitsahan ug November 8, 2016.
Sa karon balhog na sa silda sa Police Station 3 ang suspek ug commitment order nalang ang gipaabot aron mabalhin na ang nasangpit sa Gensan City Reformatory Center apan mamahimo niining maangkon ang temporaryong kagawasan higayon siya makapyansa ug P24,000.00.
