Warrant of seizure giisyu na batok sa 20 ka overstaying container van

GENERAL SANTOS CIT – May giisyu na nga warrant of seizur and detention ang district collector sa Bureau of Customs batok ngadto sa 20 ka mga overstaying shipments na mga container van sulod sa Makar Port sa dakbayan.

Nasayran nga giablehan niaging Sabado atubangan mismo ni BoC Commissioner Isidro Lapeña ang 20 ka mga container vans tungod kay misdeclared items ang unod.

Nadiskobre nga unod sa maong mga van ang mao ang nagkadaiyang spare parts sa mga sakyanan, mga motorsiklo, asukar ug sigarilyo nga gikan sa Indonesia.

Ang shipment nagkantidad og kapin P25 million nga walay certification of importation.