Tiniyak ng Malakanyang na papayagan ang warrantless arrest sa mga opisyal ng barangay na nasa mismong mass gathering na nagsisilbing super-spreader events.
Ito ay matapos ipag-utos ni Pangulong Rodrigo Duterte na arestuhin ang mga barangay captain na bigong mapigilan ang mga mass gathering sa kanilang nasasakupan.
Ayon kay Presidential Spokesperson Harry Roque, maaaring hulihin ng mga awtoridad ang mga mahuhuli sa aktong nasa super spreader events kahit walang dalang warrant of arrest ang mga ito.
Maaari rin aniyang magkaroon ng pananagutan ang mga mahuhuling dumalo sa mass gathering.
“There has always been a legal basis. We have existing ordinances and of course, the President also cited two additional legal basis. The first of which is dereliction of duty for the barangay officials who fail to prevent with knowledge these super spreaders events, at saka iyong reckless imprudence ‘no. So there’s always been a legal basis. But the President was also clear, the police should only utilize proportionate force ‘no against those who will defy agents of the law,” ani Roque.
