Watch–listed drug personality arestado sa buy–bust operation sang PDEA 12.

Arestado ang watch–listed drug personality sa ginpatigayon nga buy–bust operation sang operatiba sang Philippine Drug Enforcement Agency ukon PDEA 12 sa National Highway, Brgy. Liwanay, Banga, South Cotabato sang tinalikdan nga adlaw.
Ginkilala ang suspek kay James Carigaba, 54 –anyos, may-asawa, tricycle driver kag residente sang Purok Mainuswagon, Brgy. Benitez sa nasambit nga banwa.
Naaresto ang suspek sang magpasugot nga magbaligya sang isa ka heat–sealed transparent plastic sachet sang ginasuspetsuhan shabu sa PDEA Agent nga nagpakilala nga poseur–buyer kambyo sang P500.00 buy–bust marked money.
Nakuha sa posisyon sang suspek ang more or less 0.1 gram nga nagakantidad sang P500.00 kag Five Hundred peso bill marked money, 5 ka panid sang bienti pesos, 1 ka disposable lighter kag 1 ka unit pink cellular phone.
Kaso nga pagbayolar sa Section 5 sang Republic Act 9165 ukon The Comprehensive Dangerous Drugs Act of 2002 ang ipasaka batok sa suspek nga sa subong nakadetine sa PDEA 12 Detention Facility.
May-angot sini suno kay PDEA Regional Director 12 Castro mabatyagan na ang ila nga presensya sa grassroots level paagi sa pagrespondir sa reklamo sang katawhan sa komunidad.