Watchlisted Drug Surrenderee arestado sa drug operation sang Pdea 12 sa Sultan Kudarat.

Arestado sa ginpatigayon nga buy-bust operation sang Philippine Drug Enforcement Agency o PDEA 12 ang isa ka watchlisted drug surrenderee sa Purok Pag-asa, Brgy. Poblacion, Lambayong, Sultan Kudarat alas 4:45 sang Enero 6 subong nga tuig.
Ginkilala ang suspek kay Ricardo Oriel Gonzales, alyas Ricardo, 27-anyos, jobless kag residente sang Barangay Poblacion, Tantangan, South Cotabato.
Naaresto si Gonzales matapos nga magpasugot nga magbaligya sang isa ka sachet sang shabu sa Pdea Agent nga nagpakilala nga poseur buyer kambyo sang P500.00 buy-bust money.
Nahibaluan nga boluntaryo nga nagsurender ang suspek sa Tantangan Mps sang Pebrero 2017.
Apang nagbalik ini sa iya nga iligal nga buluhaton kag mas naglapad pa gid ang area sang iya nga drug trafficking tungod naglab-ot na ini sa banwa sang Tupi, Tantangan kag subong man Koronadal City rason nga nabutang ini sa drug-watchlist sang Pnp kag PDEA 12.
Nakuha man sa posisyon sang suspek ang 2 pa ka sachets sang shabu nga may kabug-aton nga more or less 0.9 grams kag nagakantidad sang P4,500.00.
Kaso naman nga pagbayolar sa Section 5 kag 11 sang Republic Act 9165 ang ipasaka batok sa suspek.