General Santos City—Sikop atol sa gihimong search operation sa operatiba sa Philippine Drug Enforcement Agency (PDEA) Regional Office -12 ang usa ka Sales Agent kansa lambigit sa ginadili nga droga sa may Purok Martinez, Block 1, Barangay Zone IV, Koronadal City, South Cotabato niadtong nakalabayng adlaw.
Alas 5:30 ang takna sa hapon dihang gironda sa PDEA ang panimalay ni Gerwin Calixton, 39, sales agent ug residenti sa nasampit nga lugar, diin nakumpiska ang (1) ka large ug (1) ka medium size sachets sa suspected Methamphetamine hydrochloride o shabu.
Ang nakumpiskang gituohang droga may gibug-aton nga 55 gramos kansa gibana-banaang nagkantidad ug P374,000.00.
Subay sa report sa PDEA iladong lambigit sa droga sa maong lugar ang suspek.
Kasong violation of Section 11 (Possession of Dangerous Drugs), Article II of Republic Act 9165 (The Comprehensive Dangerous Drugs Act of 2002) ang gikatakdang ipasang-at sa PDEa-12 ngadto sa suspek kansa balhog karon sa PDEA Detention Facility.
