Davao City – Dungan sa pagdaku sa populasyon ug sa ekonomiya sa Davao City gibati og kabalaka karon ang mga negosyante sa estado sa suplay sa tubig sa siyudad.
Dunay dakung posibilidad nga magkulang ang supply sa tubig sa dakbayan kung dili preparahan sa lokal nga kagamhanan ang epekto sa pagdagsa sa mga negosyo ug sa mga tawo dinhi sa siyudad karon.
Si Former DCCCII Pres. Tony Dela Cruz, naglaum nga dili mahitabo ang krisis sa tubig sa Dabaw pag-abot sa panahon nunot niining walay hunong pagsulod sa dagkong patigayon sa dabaw karong panahona.
Alayon ani, namatikdan ni Dela Cruz nga 85% na lamang ka supisyente sa supply sa tubig karon itandi sa nakalabay’ng napulo ka tuig.
Ang pagdaghan sa mga residente ug walay hunong pagtukod sa mga hotels, condo, malls, offices, ug uban malagmit maoy nag-unang hinungdan sa nasinatian nga water interruptions sa kabarangayan sa dakbayan.
Hinoon sa obserbasyon sa kanhi pangulo sa mga negosyante sa siyudad, nagpabilin gihapon nga de kalidad, limpyo, ug luwas imnon ang tubig sa siyudad ikumpara sa ubang mga lugar sa nasud.
RadyoMaN Joel Viray
