Jamindangan, Capiz- Isa na naman nga Capizena ang liwat nga magatiglawas para sa pungsod Pilipins sa 23rd World Championships of Performing Arts sa Long Beach, California, U.S.A sa maabot nga July 2019.
Ini amu si Manueline Advincula Garcia nga taga banwa sang Jamindan.
Sa mahibaluan nga pila na ka mga Pinoy singer ang nagpasakop sa amu nga paindis-indis kag nakadaog sang medalya kaangay sang singer nga sanday Jed Madela, Jonalyn Viray kag Rap Salazar.
Samtang sining karun lamang, isa ka Capizeno nga nagahingalan kay John Michael B. Avelino nga taga- Brgy. Loctugan, Roxas City ang nagpasakop sa 22nd World Championship Performing Arts(WCOPA) sa Long Beach, California, U.S.A kun sa diin ini man ang naghakot sang duha ka mga gold medals, duha ka silver medals kag duha ka bronze medals para sa performance sini sa vocals category.
Ang World Championships of the Performing Arts ang annual event kun sa diin nagapasundagay ang mga first-line singers, mga dancers, models, actors, instrumentalists kag variety artists nagikan sa masobra 50 ka mga nasyon kun sa diin nagahulat ang $400,000 nga scholarship grant kag recording contract.
