Gibutyag ni Police Major Ma. Teresita Gaspan, WCPD chief, nakatala og 100 ka mga rape cases gikan Enero hangtud Agosto 31, 2022, diin 82 minors nga nag-edad 5-17 anyos ang mga biktima.
Gibutyag ni Gaspan, gikasohan ang tanang perpetrators o mga rape suspects diin 40 kanila ang nadakpan, samtang 60 ang nagpabiling at large ug wala pay warrant of arrest.
“Once magtawag ang complainant o silingan, concerned citizen nga adunay biktima dinhing dapita, i-validate dayon na nato, tapos abantehan dayon. Pag-positive i-rescue ug i-pull out dayon ang bata sa premises. Kung apparent, kuntahay bag-o pa lang nahitabo, right then and there arestuhon nato ang suspek,” sumala ni Gaspan.
Matud ni Gaspan, ang mga suspek kaila kun acquaintance, silingan ug adunay incest kun diin mismong ang amahan ang offender o suspek sa pagpanlugos.
Sa datus sa WCPD, 78 rape cases nahitabo sa residential kun sulod sa mismong pinuy-anan sa mga biktima.
Gitataw ni Gaspan ang taas nga datus karong tuiga tungod usab sa taas nga level sa awareness sa mga biktima diha sa pagreport sa insidente.
Gi-intensify sa WCPD ang ilang efforts ilabina sa mga eskwelahan, barangays ug sa uban pang mga stake holders aron mapugngan ang mga rape cases nga mahitabo ug ma-empower ang mga biktima diha sa pagsumbong sa mga awtoridad.
RadyoMaN Aimee Guinita
[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>
