Nagnubo ang kaso sang crimes against children sa probinsya sang nagligad nga tuig nga yara sa 239 kumparar sang 2017 nga nagalab-ot sa 534 base sa datos sang Women`s Children Protection Desk sang South Cotabato Police Provincial Office.
Apang sang first quarter subong nga tuig yara na sa 37 ang narekord nga kaso sang pagpang-abuso sa mga kabataan edad kinse anyos panubo sa diin yara sa napulo ang biktima sang rape.
Sa nasambit nga kaso suno kay Police Lt. Jojie Alog sang WCPD South Cotabato ang ginalakipan na sang nagkalain-lain nga klase sang pagpang-abuso sa mga kabataan kapareho sang rape, physical injuries, attempted parricide, simple seduction kag iban pa.
Samtang tigayon naman suno pa nga nafile ang kaso kag may mga naaresto naman nga mga suspek.
Ginpahayag man ni P/Lt. Alog nga nagapatigayon sila sang seminar kag lecture sa kada barangay kag distribution sang IEC materials nga untaton na ang pagpang-abuso sa mga kabataan.
WCPD South Cotabato nakarecord na sang 37 ka kaso sang pagpang-abuso sa mga kabataan subong nga tuig.
Facebook Comments
