Kakas na sa listahan sang may storm warning signal ang ciudad sang Bacolod.
Sa pinaka-ulihi nga update sang PAG-ASA subong nga las singko sang aga, February 14, nakit-an ang sentro sang Tropical Depression ‘Basyang’ sa kalayuon nga 185 km West Southwest sang Dumaguete City, Negros Oriental.
May kabaskugon ini sang hangin nga 45 kph malapit sa tunga kag pagmadlos nga nagalab-ot sa 60 kph.
West southwest ang direksyon sini sa kadasigon nga 26 kph.
Sa karon, yara sa gihapon sa signal number 1 ang mga masunod nga lugar:
• Palawan including Calamian and Cuyo groups of islands
• Southern section of Negros Occidental and southern section of Negros Oriental
• Northern section of Zamboanga del Norte
Balik naman ang klase sa tanan nga levels wala labot sa pre-school nga una na nga gin-suspend si Bacolod City Mayor Evelio Leonardia kagab-i, February 13. – RCSG
