Weather Update 4AM! Bagyong Inday, naa sa Basco, Batanes – CDRRMD

204

5:50 AM 19JULY18

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa Bagyong (Tropical Storm) “INDAY” nagpabilin sa gilay-ong 840 km Sidlakan (East) nga bahin sa Basco, Batanes, kakusgong 65 kph ug halos walay paglihok ganihang 3:00 sa buntag.

Ang Northern Mindanao dili apektado sa Bagyong (Tropical Depression) “INDAY” ug Southwest Monsoon (HABAGAT) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.

Kasarangan (moderate) nga hangin gikan sa Habagatan (South) ngadto sa Habagatang-kasadpan (Southwest) maoy mo-resulta sa 1.2 – 2.5 meters nga balud sa kadagatan sa Northern Mindanao.

Walay natala nga pag ulan sa CDO karong orasa.

Mapanganuro ang ubang parti sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).

Mapanganuron usab ang ubang parti sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).

NORMAL ang LEVEL sa tubig sa mga suba sa Cagayan ug Iponan.

Samtang, CDRRMD pabilin sa pag monitor.
PC: CDRRMD

Facebook Comments