4:45 AM 23AUG18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang Low Pressure Area (LPA) GAWAS sa Philippine Area of Responsibility (PAR) anaa sa gilay-ong 305 km Amihanang-kasadpan (Northwest) nga bahin sa Extreme Northern Luzon.
Ang Northern Mindanao dili apektado sa Habagat (Southwest Monsoon) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Ang sentro sa gibantayang Bagyo (International name Typhoon “CIMARON”) GAWAS sa PAR anaa sa gilay-ong 1,660 km Amihanang-sidlakan (Northeast) nga bahin sa Extreme Northern Luzon.
Kini adunay kakusgong 160 kph ug paglihok nga 35 kph Amihanang-kasadpan (Northwest). Samtang ang Bagyo (International name Typhoon “SOULIK”) GAWAS sa PAR anaa sa gilay-ong 1,415 km Amihanan Amihanang-sidlakan (North Northeast) nga bahin sa Extreme Northern Luzon.
Kini adunay kakusgong 130 kph ug paglihok nga 20 kph Amihan Amihanang-kasadpan (North Northwest) ganihang 3:00 sa buntag.
Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) maoy mo-resulta sa 0.6 – 1.2 meters nga balud sa kadagatan sa Northern Mindanao.
Walay natala nga pag ulan sa Cagayan de Oro karong orasa.
Nagpabiling mapanganuron sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Nagpabiling mapanganuron usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
