Weather Update! Bagyong Hanna, GAMAY ang posibilidad nga mo-landfall sa nasud

PC: CDRRMD / PAG-ASA

5:15 AM 6AUG2019

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa Bagyong (Tropical Storm) “HANNA” adunay gilay-ong 815 km Sidlakan (East) nga bahin sa Calayan, Cagayan; kakusgong 85 kph ug halos walay paglihok ganihang 3:00 sa buntag. Ang bagyo GAMAY ang posibilidad nga mo-landfall sa nasud ug posibling mo-gawas sa PAR karong Biyernes (August 9).

Ang tibouk Mindanao dili apektado sa Bagyo ug sa Habagat (Southwest Monsoon) apan maka-sinati sa panalagsang pagdag-um ngadto na sa mapanganuron nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.


Kasarangan (moderate) ngadto sa kusog (strong) nga hangin gikan sa Habagatang-kasadpan (Southwest) nga maoy mo-resulta sa 1.2 – 3.4 meters nga balud sa kadagatan sa Northern Mindanao.

Nagpabiling mapanganuron ang Cagayan de Oro karong orasa.

Nagpabiling mapanganuron sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)

Nagpabiling mapanganuron usab sa Talakag ug Baungon. (Kining mga lugara ang makapasaka sa tubig sa suba sa Cagayan)

NORMAL ang LEVEL sa tubig sa mga suba sa Cagayan ug Iponan.

Samtang, CDRRMD pabilin sa pag monitor.

Facebook Comments