Weather Update! Bagyong Ramon, nahimo nang LPA apan Bagyong Sarah, naa karon sulod sa PAR

352
PC: CDRRMD / PAG-ASA

4:30 PM 20NOV2019

Gipahibalo sa City Disaster Risk Reduction and Management Department o CDRRMD nga basi sa Daily Weather Forecast sa PAGASA ganihang 4:00 sa hapon, ang sentro sa Bagyong (Tropical Storm) “SARAH” anaa sa gilay-ong 555 km Sidlakan Amihanang-sidlakan (East Northeast) nga bahin sa Casiguran, Aurora ; kakusgong 65 kph; ug paglihok nga 30 kph Amihan Amihanang-kasadpan (North Northwest). Samtang mihinay ug nahimong Low Pressure Area (LPA) ang Bagyong “RAMON” ug kini anaa na sa palibot sa Kayapa, Nueva Vizcaya ganihang 3:00 sa hapon.


 

Ang tibuok Mindanao dili direktang apektado sa Bagyo ug LPA apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.

 

Hinay (light) ngadto sa kasarangan (moderate) nga hangin ang magagikan sa Amihanang-kasadpan (Northwest) ngadto sa Habagatang-kasadpan (Southwest) maoy mo-resulta sa 0.6 – 2.1 meters nga balud sa kadagatan sa tibuok Mindanao.

 

Hinay (light) nga pag ulan ang nasinati sa Cagayan de Oro.

 

Naka-sinati sa hinay (light) nga pag ulan usab sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo)

 

Hinay (light) nga pag ulan ang nasinati sa Talakag ug Baungon.
(Kining mga lugara ang makapasaka sa tubig sa suba sa Cagayan)

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments

From Advertisers