Weather Update! Bagyong Ramon, posibling mo-landfall sa Babuyan Islands karong adlawa

41
PC: CDRRMD / PAG-ASA

11:50 AM 19NOV2019

Gipahibalo sa City Disaster Risk Reduction and Management Department o CDRRMD nga basi sa Severe Weather Bulletin sa PAGASA ganihang 11:00 sa buntag, ang sentro sa gibantayang Bagyong (Typhoon) “RAMON” anaa sa gilay-ong 120 km Sidlakan (East) nga bahin sa Calayan, Cagayan; kakusgong 120 kph ug halos walay paglihok ganihang 10:00 sa buntag. Ang bagyo posibling mo-landfall sa Babuyan Islands karong adlawa.


RR

Samtang ang gibantayang Low Pressure Area (LPA) nga anaa sulod sa Philippine Area of Responsibility (PAR) adunay gilay-ong 720 km Sidlakan (East) nga bahin sa Guiuan, Eastern Samar ganihang 10:00 sa buntag. Ang LPA DAKO ang tsansa nga mamahimong Bagyo (Tropical Depression) sulod sa 24 ka oras.

 

Ang tibuok Mindanao dili direktang apektado sa Bagyo ug LPA apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.

 

Forecast Position:
– 24 Hour(Tomorrow morning): 145 km West Northwest of Dagupan City, Pangasinan
– 48 Hour(Thursday morning): 135 km North of Pagasa Island, Palawan (OUTSIDE PAR)

 

Walay pag ulan sa Cagayan de Oro karong orasa.

 

Walay pag ulan sa Libona; Mampayag, Dahilayan ug Lindaban, Manolo Fortich.
(Kining mga lugara maao ang tinubdan sa tubig nga makapabaha sa Lapasan paingon sa Bugo).

 

Walay pag ulan usab sa Talakag ug Baungon.

(Kining mga lugara ang makapasaka sa tubig sa suba sa Cagayan).

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments

From Advertisers