Weather Update! Bagyong Rosita, naa na gawas sa PAR

9
PC: CDRRMD

5:15 AM 2NOV18

Gipahibalo sa City Disaster Risk Reduction and Management Department o CDRRMD nga basi i sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR).

 

Ang sentro sa Bagyong (TS) “YUTU” (kanhing “ROSITA”) anaa na sa 615 Km Kasadpan (West) nga bahin sa Basco, Batanes GAWAS sa PAR. Kini adunay kakusgong 75 kph ug paglihok nga 10 kph Amihanan (North) ganihang 3:00 sa buntag.

 

Ang Northern Mindanao dili apektado sa Trough sa Bagyong (TS “YUTU”) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.

 

Hinay (light) ngadto sa kasarangan (moderate) nga hangin gikan sa Amihanan-sidlakan (Northeast) ngadto sa Sidlakan (East) maoy mo-resulta sa 0.6 – 2.1 meters nga balud sa kadagatan sa Northern Mindanao.

 

Walay natala nga pag ulan sa CDO karong orasa.

 

Walay pag ulan sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo.)

 

Walay pag ulan usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan.)

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments