Weather Update! Bagyong Tisoy, posibling mo-gawas sa PAR karong adlawa

49
PC: CDRRMD / PAG-ASA

5:40 AM 5DEC2019

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa Bagyong (Tropical Storm) “TISOY” anaa sa gilay-ong 540 km Kasadpan (West) nga bahin sa Subic, Zambales; kakusgong 65 kph; ug paglihok nga 15 kph Kasadpan Amihanang-kasadpan (West Northwest) ganihang 3:00 sa buntag. Ang bagyo posibling mo-gawas sa Philippine Area of Responsibility (PAR) karong adlawa.


Ang Northern Mindanao dili apektado sa Bagyo, Tail-End of a Cold Front ug Amihan (Northeast Monsoon) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.

Kasarangan (moderate) ngadto sa kusog (strong) nga hangin gikan sa Amihanang-sidlakan (Northeast) ngadto sa Habagatang-sidlakan (Southeast) nga maoy mo-resulta sa 1.2 – 3.1 meters nga balud sa kadagatan sa Mindanao.

Walay pag ulan sa Cagayan de Oro karong orasa.

Walay pag ulan sa Libona; Mampayag, Dahilayan ug Lindaban, Manolo Fortich. (Kining mga lugara maao ang tinubdan sa tubig nga makapabaha sa Lapasan paingon sa Bugo).

Walay pag ulan usab sa Talakag ug Baungon. (Kining mga lugara ang makapasaka sa tubig sa suba sa Cagayan).

NORMAL ang LEVEL sa tubig sa mga suba sa Cagayan ug Iponan.

Samtang, CDRRMD pabilin sa pag monitor.

Facebook Comments

From Advertisers