Weather Update! Bagyong “WUTIP” nga naa GAWAS sa PAR, padayong gibantayan

PC: CDRRMD / PAG-ASA

5:20 AM 23FEB19

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) SULOD sa Philippine Area of Responsibility (PAR).

 

Ang Northern Mindanao dili apektado sa Amihan (Northeast Monsoon) apan maka-sinati sa panalagsang pagdag-um ngadto na sa mapanganuron nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.


 

Samtang ang gibantayang Bagyo (International name TYPHOON “WUTIP”) GAWAS sa PAR anaa na sa gilay-ong 2,040 km Sidlakan (East) nga bahin sa Mindanao; kakusgong 150 kph; ug paglihok nga 20 kph Kasadpan Amihanang-kasadpan (West Northwest) ganihang 2:00 sa buntag. Ang Bagyong Wutip walay direktang epekto sa nasud ug gamay ang tsansa nga mo-sulod sa PAR.

 

Hinay (light) ngadto sa kasarangan (moderate) nga hangin gikan sa Amihanang-sidlakan (Northeast) sa maoy mo-resulta sa 0.6 – 2.1 meters nga balud sa kadagatan sa Northern Mindanao.

 

Walay natala nga pag ulan sa Cagayan de Oro karong orasa.

 

Walay pag ulan sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo).

 

Walay pag ulan usab sa Talakag ug Baungon karong orasa.
(Kining mga lugara ang makapasaka sa tubig sa suba sa Cagayan).

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments