6:10 AM 11MAR19
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) SULOD sa Philippine Area of Responsibility (PAR).
Samtang ang gibantayang LPA nga anaa GAWAS sa PAR adunay gilay-ong 1,010 km Sidlakan (East) nga bahin sa Mindanao ganihang 3:00 sa buntag.
Ang LPA gamay ang tsansa nga mamamahimong bagyo ug gamay usab ang tsansa nga mo-sulod sa PAR.
Ang Northern Mindanao apektado sa Trough o extension sa Low Pressure Area ug tungod niini maka-sinati sa panalagsang pagdag-um ngadto sa mapanganuron nga kalangitan inubanan sa pat-ak, pat-ak nga pag-ulan. Ang Ridge of High Pressure Area ug Amihan (Northeast Monsoon)dili direktang maka-apekto sa Northern Mindanao.
Hinay (light) ngadto sa kasarangan (moderate) nga hangin gikan sa Sidlakan (East) ngadto sa Amihanang-sidlakan (Northeast) maoy mo-resulta sa 0.6 – 2.5 meters nga balud sa kadagatan sa Northern Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay pag ulan usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
